Zëvendëskryeministri i Kosovës Fatmir Limaj ka përkujtuar 20 vjetorin e masakrës së Dubravës.

Limaj ka thënë kryerësit e këtij krimi kanë emër dhe mbiemër dhe janë të njohur për të gjithë, por siç thotë ai për këtë krim ende askush nuk është hetuar dhe dënuar.

“Kryerësit e këtij krimi të tmerrshëm kanë emër dhe mbiemër dhe janë të njohur për të gjithë. Pavarësisht kësaj, për këtë krim askush nuk është hetuar dhe rrjedhimisht as dënuar”, ka shkruar Limaj në facebook.

Postimi i plotë:

Para dy dekadave ushtria dhe policia serbe kryen një nga krimet më monstruoze mbi të burgosurit në Burgun e Dubravës.
20 vjet më parë, në Burgun e Dubravës u vranë mbi 160 të burgosur dhe u plagosën mbi 200 të tjerë.
Kryerësit e këtij krimi të tmerrshëm kanë emër dhe mbiemër dhe janë të njohur për të gjithë. Pavarësisht kësaj, për këtë krim askush nuk është hetuar dhe rrjedhimisht as dënuar.
Është koha e fundit kur institucionet e drejtësisë duhet të reagojnë dhe kriminelët ta marrin dënimin e merituar.